🪄🔮🧚‍♀️Do you believe in magic? Because I’ve met someone who proves it.🥰🤗ඔයා මැජික් විශ්වාස කරනවද?🤔...මේක කියෙව්වොත් අනිවාරෙන්ම විශ්වාස කරයි.😌😁

😘🥰හලෝ ළමයී.......කොහොමද ඉතින් ඔයාලට...අද මන් ඔයාලට වෙනස් විදියක ලිපියක් ගේන්න හිතුවා.මන් හිතන්නෙ මන් පහුගිය ලිපියෙ ඒක ඔයාලට කිව්වා..ඉතින් මන් අද කතා කරන්න යන්නේ..ඔයාගෙ ජීවිතේ ඉන්න සුන්දර හිත් තියන මිනිස්සු ගැන..🦊🦄🧙‍♀️

ඔයාගෙ ජීවිතේ එකම එක පාරක් හරි ඔයාට මායාකාර මිනිස්සු මුණ ගැහිලා ඇති.මොකටද ඉතින් මේ මායාකාරයි කියන්නේ...ඔන්න බලන්නකො... ඔයාටත් මේ වගේ අය මුණගැහිලා තියනවද කියලා...😌

·         💌ඔයාට තියන මොන විදියෙ ප්‍රශ්නයකට උනත් එයා ළඟ ඔයාව සැනසෙන, හිත හැදෙන උත්තරයක් තියනවා.

·         💌ඒ වගේම කොච්චර වැඩ තිබුණත් ඔයා වෙනුවෙන් එයාට වෙලාවක් තියනවා.

·         💌එයා කියන එක පුංචි වචනෙකින් උනත් ඔයාගෙ හිත හැදෙනවා.

·        💌 එයාව දැක්කත් ඔයාගෙ හිතට මහ ලොකු සැනසිල්ලක් දැනනෙවා.

·         💌ඔයා කරපු පුංචි දෙයක් උනත් එයා හරි ඉහළින් අගය කරනවා.

·         💌ඔයාගෙ සතුටෙදි වගේම දුකේදිත් එයා ඔයාගෙ ළඟින්ම ඉන්නවා.

·         💌ඔයා කැමති දේවල් අරන් දෙන්න එයා උත්සාහ කරනවා.

ඉතින්...🥰මන් මේ කිව්ව ගතිගුණ තියන යාලුවෙක් හරී...ආදරවන්තයෙක් හරී..සහෝදරියක් හරි ඔයාට ඉන්නවා නම් ඔයා කොච්චර වාසනාවන්තද කියලා ඔයා දන්නවද?😮 මොකද අද රටේ ලෝකෙ ගොඩක් මිනිස්සු කායිකව මානසිකව අසනීප වෙන්න එක හේතුවක් තමා තනිකම කියන එක, තමන්ගෙ ප්‍රශ්න කාටවත් කියාගන්න නැතුව, ජීවිතේ දුක සතුට බෙදාගන්න කෙනෙක් නැතුව, කොච්චර මිනිස්සු වටේට හිටියත් තමන්ගෙ දෙයක් බෙදාගන්න නැතුව හිත ඇතුළෙන් තනි වුණ මිනිස්සු කොච්චර ඉන්නවද,එයාලා කොච්චර අසරණ වෙනවද,කොච්චර නම් කායිකව මානසිකව අසනීප වෙනවද😣 ඔයා ඒ අතින් කොච්චර වාසනාවන්තයිද? ඉතින්...ඔයාට මහ ගොඩක් සතුටින් ඉන්න පුලුවන්.ඔයා වෙනුවෙන් මිනිස්සු ඉන්නවා.ඔයා මේ ලෝකෙ තනිවෙලා නෑ.මන් මේ කියලා තියන දේවල් කියවනකොට ඉබේටම ඔයාට මතක් වුණ, ඔයාගෙ හිතේ ඇඳුන රූපයක් ඇති.ඒ ලස්සන හිත තියන මායාකාරයාව කවදාවත්ම රිදවන්න එපා.කවදාවත් ඔයාගෙ ජීවිතෙන් එයාව අයින් කරන්න එපා.එයා ළඟ තියන මායාවට පුලුවන් ඔයාගෙ ජීවිතේම සතුටින්, හිනාවෙන් පුරවන්න🧚‍♂️🎉.එයා දන්නවා ඔයාව සතුටින් තියන්න පුලුවන් සතුටු මන්තරේ.ඔයාගෙ ජීවිතේ මේ වගේ මායාකාරයෙක් නැත්නම් මන් ප්‍රාර්තනා කරනවා ඔයාට ඉක්මනටම එහෙම කෙනෙක් මුණගස්සන්න කියලා....😌🥰

එහෙනම් මන් ගිහින් එන්නම්.....ඔයා පරිස්සමින් ඉන්න.....මතක් කරලා නිදාගන්න කලින් අද දවසට ස්තූති කරන්න.හෙට දවස ලස්සන වෙන්න කියලා හිතන්න.🪄🔮

 

Glow වෙන්න ආසද?.... 😊 එහෙනම් මෙන්න හොඳම Daily Skin Care Routine එක😍

 

Hey Girls……..ඔයාලා හොඳින් ඉන්නව නේද.........මන් අද ඔයාලට අරන් ආවා කොහොමද තමන්ගේ Skin Care Routine එක තමන්ගෙ සමට ගැළපෙන විදියට Day & Night Products හරියට පාවිච්චි කරන විදිය සහ ලෝකයේ හොඳම නිෂ්පාදන වර්ග මොනවද කියලා.😌

ඉතින් අපි බලමූ කොහොමද උදේ වරුවට Skin Care Routine එක කරගන්නෙ කියලා.🌞😍

මුලින්ම ඔයා කරන්න ඕනෙ මුහුණ හොඳට Face Wash එකකින් හෝදගන්න එක.ඊට පස්සේ Ice Cube එකක් අරන් සිනිඳුවට ඔයාගෙ මුහුනෙ පිරිමදින්න ඕනි.ඊට පස්සේ Cleanser එක Use කරන්න ඕනි.මන් කලින් Article එකේදි ඔයාලට කියල දුන්නා මේ එක එක Products වලින් මොනවද වෙන්නෙ කියලා.ආ තව දෙයක් ඔයාලා ක්ලෙන්සර් එක භාවිතා කරනකොට ඔයාගෙ ස්කින් එක තෙල් සහිතද නැත්නම් වියළි ද කියන එක ගැන සැලකිලිමත් වෙන්න ඕනෙ.හරී ඊලඟට අපි Toner එක ගමූ.මේකෙදිත් Cucumber Toner, Aloe Toner මේ වගේ ඔයාට කැමති ටෝනර් එකක් ගන්න පුලුවන්.ඊට පස්සේ Serum එක මේකෙදිත් ඔයාගෙ මුහුණෙ කුරුලෑ, ළප කැළැල් තියනවා නම්, වියලි නම්, ඇස් යට කලු වෙලා නම් මේ වගේ සමට ගැළපෙන විදියට තෝරගන්න ඕනෙ.ඊට පස්සෙ Moisturizer එක ගමූ...ඊට පස්සෙ ඔයාට පුලුවන් අස් යට කලු වෙලා නම් ඒකට Eye Cream එක use කරන්න.ඊට පස්සෙ අනිවාරෙන්ම Sunscreen එක පාවිච්චි කරන්න ඔයා එළියට යන්න කලින්, මොකද අපේ රට සමකය ආසන්න රටක් නිසා රස්නෙ හුඟක් වැඩී.එතකොට අව්වට ගියාම අපේ හම ඉක්මනට පිච්චෙන්න බලනවා.ඉතින් ඒ දැන දැන ඇයි අපි කලු වෙන්නෙ😊.හරී...මේ ඔක්කොම ඉවර උනාට පස්සෙ ඔයාට පුලුවන් කැමති විදියට සරල Make – up එකක් කරගන්න.ඊළඟ දවසෙ ඉඳන් Blog එක ටිකක් වෙනස් විදියකට අරන් එන්නම්.....එතකන් පරිස්සමින් ඉන්න ඕනේ..........😁😜😘😊

මලක් වගේ ලස්සනට ඉන්න කැමති ගෑණු ළමයින්ටයි මේ කතාව...🌺😉🙊🙈

මලක් වගේ ලස්සනට ඉන්න කැමති ගෑණු ළමයින්ටයි මේ කතාව...🌺😉🙊🙈

ගෑණු පිරිමි භේදයක් නැතුව අපි හැමෝම කැමති ලස්සනට අඳින්න,පළඳින්න,ලස්සනට ඉන්න.ඉතින්.......ලස්සනට ඉන්න කැමති ඔයාට ලස්සනට ඉන්න මොනවගේ දේවල්ද කරන්න ඕනි කියලා අද මන් කියලා දෙනවා.අපි මුලින්ම බලමූ Skin Care Routine එකක් කියන්නෙ මොකක්ද කියලා..ඒ කියන්නේ අපේ සමේ නිරෝගිකම,පැහැපත් බව තියාගන්න Products කිහිපයක් භාවිතා කරලා දිනපතා උදේට සහ රෑට කළ යුතු Treatment එකක් වගේ දෙයක්.ඔයාලා Skin Care Routine එකක් පටන් ගන්න කලින්.මුලින්ම ඔයාගෙ Skin Type එක හඳුනාගෙන ඊට ගැලපෙන හොඳ ප්‍රමිතියක් තියන Products තෝරගන්න ඕනි.නැත්නම් ඉතින් Treatments කරන්න ගිහින් තව තවත් මුහුණ අවුල් කරගන්නයි වෙන්නෙ.ඒ නිසා ඒ ගැන කල්පනාවෙන් ඉන්න ඕනී.....හරී කතා ඇති දැන් අපි බලමූ මොනවද Skin Care Routine එකක් කරන්න නම් ඔයා ළඟ තියෙන්නම ඕනෙ Products මොනවද කියලා.

1.Cleanser - ක්ලෙන්සර් එක්කින් කරන්නෙ ඔයාගෙ මුහුණෙ තියන කුණු.දූවිලි අයින් කරලා මුහුණ පිරිසිදු කරන එක.

2. Moisturizer - මේකෙන් වෙන්නෙ ඔයාගෙ සමේ තෙතමනය ඇති කරලා,වියළි බව,රැලි වැටීම නැති කරලා තරුණ පෙනුම රැකලා දෙන එක.

3. Sunscreen - සමට හානිකර UV කිරණින් ඔයාගෙ සම ආරක්ෂා කරන එක තමා මේකෙන් වෙන්නෙ.

4. Serums - මේක නම් ඔයාට ගැළපෙන විදියට තෝරගන්න ඕනි.ඒ කියන්නෙ ඔයාගෙ මුහුණේ Dark Spots තියනවා නම් ඒකට පාවිච්චි කරන්න ඕනෙ වෙනම Serum එකක් තියනවා.Wrinkles වලට පාවිච්චි කරන්න වෙනම තියනවා.මේ වගේ ඔයාට තියන ගැටලුව අනුව Serum එකක් තෝරගන්න ඕනෙ.

5. Toner - ඔයාගෙ සමේ P^H අගය සමතුලිතව තියාගන්න මේක ඔයාට උදව් වෙනවා.

6. Eye Cream - ඇස් වටේ කලු වෙලා තියනවා නම් ඒකට තමා මේක පාවිචිචි කරන්න ඕනෙ.

7.Face Wash - මුහුණ පිරිසිදු කරගන්න ඔයාට ගැළපෙන ෆේස්වොෂ් එකකුත් ඔයා ළඟ තියෙන්නම ඕනෙ.

8.Aloe Gel - ඇලෝ ජෙල් එකකින් කරන්නෙත් සමේ තෙතමනය තියාගන්න උදව් කරන එක.ඒ කියන්නේ සමේ වියළි බව නැති කරගන්න මේකෙන් පුළුවන්.

 

ඔන්න ළමයි මේ තමා ඔයා ළඟ අනිවාරෙන්ම තියෙන්න ඕනි Products. Beginner කෙනෙක් නම් ඔයා අනිවාරෙන්ම සමේ type එකට ගැලපෙන Products විතරක් තෝරගන්න වග බලාගන්න ඕනි හොඳේ......😌

මන් ඊළඟ ලිපියෙන් ඔයාලට අරන් එන්නම් මන් මුලින් කිව්ව Products උදේට සහ රැට වෙන වෙනම පාවිචිචි කරන්නෙ කොහොමද කියලා.එහෙනම් මල් වගේ ලස්සනට ඉන්න ඕනි ඔයත් හොඳඳ...ආපහු එනකම් පරිස්සමින් ඉන්න....😘💖

 

 

 

Be you in 2025

2025 ට යනකොට මේ පුරුදු ටික අරන් යමු.

2024 අවසන් වෙලා 2025 ලබල තවම ගෙවිලා තියෙන්නෙ ටික දවසයි.ඉතින් මේ අවුරුද්දත් ඔයා පරණ විදියටම සුපුරුදු ජීවන රටාව ගතකරමින් ඉන්නවා නම් මේ අවුරුද්ද්ත් ඔයාට නිකන්ම නිකන් අවුරුද්දක් විතරයි.ඔයාට අලුතින්ම හම්බවුණ මේ අලුත් දවස් 365 ලස්සනට , අමතක නොවෙන විදියට ගත කරන්න ඔයා ආසයි නේද?එහෙනම් ඉතින් තවම ඔයා පරක්කු නෑ.තවම ගත වෙලා තියෙන්නෙ දින කිහිපයක් විතරයි.ඉතිරි දවස් ටික ලස්සනට ඉන්නෙ කොහොමද කියලා මන් ඔයාට කියලා දෙන්නම්.💕

1.මුලින්ම ඔයා ඔයාවම විශ්වාස කරන්න පටන් ගන්න.

ඔයා දන්නවද විශ්වාසය කියන්නෙ හරිම ප්‍රබල දෙයක්.ඒක හරියට වීදුරුවක් වගේ බිඳුණොත් ආය තිබුණු විදියට හරිගස්සන්න බැහැ.අපි ආදරේ කරනකොට,යාළුකම් පවත්වාගෙන යනකොට විශ්වාසය කියන දේ හරිම වැදගත්.හිතලා බලන්නකො ඔයා ආදරේ කරන කෙනා හරි ඔයාගෙ යාලුවෙක් හරි පවුලේ කෙනෙක් හරි ඔයාගෙ විශ්වාසය නැති කරොත් ඔයාට කොච්චර වේදනාවක් දැනෙනවද?අන්න ඒ වගේ ඔයාගෙ යටි හිතේ ඔයා ගැන තියන විශ්වාසය නැති වුණාම ඔයාව දුර්වල වෙනවා.හරියට පාඩම් කරන්න හිතෙන්නෙ නෑ.වෙනදා වගේ යාලුවො එක්ක හිනාවෙලා ඉන්න හිතෙන්නෙ නෑ.අරමුණු වලට අවධානය දෙන්න බෑ.මෙන්න මේ වගේ negative දේවල් වෙන්න පටන් ගන්නවා ඔයා ඔයාවම විශ්වාස කරන්නෙ නැති වුණාම.අපේ යටිහිත ගොඩක් බලවත්.ඉතින් මුලින්ම ඔයා ඔයාව විශ්වාස කරන්න පටන් ගන්න.හැමවෙලේම මට පුළුවන්,මම දක්ෂයි,මම බුද්ධිමත්,මම දිනනවා,මම මගේ අරමුණු වලට යනවා වගේ positive දේවල් හිතන්න පටන් ගන්න.දවසක් දෙකක් මේ දේ කරලා බලන්න.ඔයාටම දැනෙයි ඔයාගෙ වටේ සිදුවෙන දේවල් වල වෙනස්කම්.උදේ අවදිවුණ ගමන් මේ වගේ positive දෙයක් හිතාගෙන ඔයාගෙ දවස පටන් ගන්න.දවස ඉවර වෙලා නින්දට යන වෙලාවටත් “හෙට මගේ දවස මම ලස්සනට ගත කරනවා කියලා හිතාගෙන නිදාගන්න”.සතියක් දෙකක් මේ දේ කරලා බලන්නකො ඔයාටම දැනෙයි වෙනස.

 

2.අනිත් අයව ඕනවට වඩා විශ්වාස කරන එක අඩු කරන්න.

මන් මුලින් කිව්වේ ඔයා ඔයාවම විශ්වාස කරන්න කියලා නේ.ඒකටම ගැලපෙනවා මන් මේ කියන දෙවනි කරුණ.ඔයා අනිත් අය මත තියන විශ්වාසය එයාල නැති කරාම ඔයාට ගොඩක් දුක හිතෙනවා.එතකොට ඔයාගෙ හිත ටික ටික දුර්වල වෙලා ඒ ගැනම හිත හිත අනිත් වැඩත් පාඩු කරගෙන දවස තිස්සෙම දුකින් ඉන්නවා.එතකොට ඔයාගෙ වටේ ඉබේටම සිද්දවෙන්නෙ negative දේවල්.මොකද ඔයාගෙ මනස පිරිලා තියෙන්නෙම දුක හිතෙන දේවල්,වේදනාත්මක අමිහිරි මතක වලින් නිසා.මන් උදාහරණයක් විදියට මෙහෙම කියන්නම්කො සමහර අයට නම් මන් මේ කියන දේ ගැන අත්දැකීමක් ඇති.ඒ අයට මේ මම කියන දේ හොඳටම දැනේවි.ඔයා ආදරේ කරන කෙනෙක්නම් නැතිනම් ආදරේ කරපු කෙනෙක් නම් එයා ඔයාගෙ විශ්වාසය නැති කරාම ඔයාට දුක හිතුණ වෙලාවට ඔයා මොකද කරන්නෙ ඇස් දෙක රතු වෙනකන් රෑ එළි වෙනකන් හොඳටම අඬනවා,කන්නෙ බොන්නෙත් නෑ.ඉගෙන ගන්න දේවල් කරන්නෙත් නෑ.පොඩි දේටත් තරහ ගන්නවා,පාඩම් කරන්නෙත් නෑ, ඒ වගේම දුක නැති කරගන්න කියලා ඔයා ෆිල්ම් එකක් හරි සින්දුවක් හරි තෝරගත්තා නම් ඒකෙත් තියෙන්නෙ ඒ වගේ දෙයක්ම තමා.එතකොට ඔයාට තවත් දුක හිතෙනවා මිසක් දුක අඩු වෙන්නෙ නෑ.ඔයා එයා ගැන ඕනවට වඩා විශ්වාස නොකර “මිනිස්සු කියන්නෙ ඉක්මනටම වෙනස් වෙන හිතක් තියෙන අය” කියලා ඔයාගෙ මනස හදාගෙන හිටියනම් ඔයාට දුකක් නෑ නේද?ඒ වගේම තමා යාළුකමක් වුණත් මන් මේ කියන්නෙ ඔයාගෙ යාළුවො දිහා ආදරේ කරන කෙනා දිහා සැකෙන් බලන්න කියලා නෙවේ.මන් මුලින් සඳහන් කරපු කරුණ මනසේ තියාගෙන එයාලව ආශ්‍රය කරන්න.කවුරුහරි කෙනෙක් ඔයා ගෙ විශ්වාසය නැති කරපු වෙලාවක ඒ වෙලාවට දැනෙන දුක නැති කරගන්න ලස්සන සින්දුවක් අහන්න,Me time එකක් ගත කරන්න,හිත නිදහස් වෙන තැනකට ඇවිදින්න යන්න,සුරතලෙක් ඉන්නවා නම් එයා එක්ක ටිකක් ඉන්න,ඔයා ආසම කෑමක් කන්න,අලුත් ඇඳුමක් ගන්න යන්න,කාමරේ පොඩ්ඩක් පිළිවෙල කරගන්න.මේ වගේ ඔයාගෙ මනස සැහැල්ලු වෙන ඔයාට ප්‍රයෝජනවත් දෙයක් කරලා බලන්නකො ඔයාටම හිතෙයි අනේ මෙච්චර ලස්සනට ඉන්න පුළුවන් වෙලත් අර වගේ පොඩි දෙයක් නිසානෙ මන් දුක් වුණේ කියලා.(මේ වගේ දේවල් ගොඩක් තියනවා ඉස්සරහට ඔයාලට මන් අරන් එන්නම් මේ දේවල් කරන විදිය.)

3.Planner එකක් හදාගන්න. කාලය කළමණාකරණය කරගන්න.

Planner එකකින් කරන්නේ ඔයාගෙ ඊළග දවසේ වැඩ මොනවද මේ මාසෙ මොනවද කරන්න ඉන්නෙ.විශේෂ දවස් මොනවද , ඔයාට කරන්න තියෙන විශේෂ වැඩ මොනවද කියලා note කරගන්න පුංචි Diary එකක් වගේ දෙයක්.මේකෙන් ඔයාට පහසුවෙන්ම ඔයාගෙ කාලය කළමණාකරණය කරගෙන පිළිවෙලට,ලස්සනට,කාලය කළමණාකරණය කරගනිමින්,කලබලයක් නැතුව ඔයාගෙ වැඩ ටික කරගන්න පුලුවන්.ඔයාට පුලුවන් ඉරිදා හවසට අලුත් සතියට කරන්න ඉන්න වැඩ ටික පිළිවෙළට දිනයත් එක්කම ලියලා තියාගන්න.හැමදාම රෑට නිදාගන්න කලින් එදිනෙදාට එකතු වෙන අලුත් වැඩ ටිකත් ලියාගන්න.එතකොට ඔයාට පුලුවන් කිසිම වැඩක් අතපසු කරගන්නෙ නැතුව ඉන්න.ඒ වගේම ඔයාගෙ ඊළඟ දවස කාර්‍යබහුල දවසක් නම් වෙලාවත් ලස්සනට කළමණාකරණය කරගන්න පුලුවන්.හිතන්නකො ඔයාට මේ සතියෙ බ්‍රහස්පතින්දට assignment එකක් submit කරන්න තියනවා කියලා.බදාදා නිදාගන්න කලින් ඔයාගෙ planner එක බැලුවනම් ඔයාට නිදාගන්න කලින් මතක් කරගන්න පුලුවන් හෙට assignment එක submit කරන්න ඕනෙ කියලා.එතකොට ඔයාට on time ඒක submit කරන්න පුලුවන්.විශේෂ දවස් අමතක කරගන්නෙ නැතුව ඉන්නත් මේක ඔයාට වැදගත් වෙයි.පොතක ලියන්නම ඕනෙ නෑ ඔයාගෙ ෆෝන් එකේ නෝට්පෑඩ් එකේ වුණත් මේක ලියාගන්න.

 

4.Healthy Routine එකක් follow කරන්න.

මන් මේ කියන්න යන්නෙ ව්‍යායාම කරන එක ගැන විතරක් නෙවේ ඔයා ගැහැණු ළමයෙක් වුණත් පිරිමි ළමයෙක් වුණත් ව්‍යායාම වගේම ඔයාගෙ මුහුණට, ශරීරයට සත්කාර කිරීමත් අවශ්‍යයි.මොකද ගැහැණු පිරිමි භේදයකින් තොරව අපි හැමෝම කැමතියි නෙ ලස්සනට ඉන්න නේද?ඉතින් ඔයා මේ අවුරුද්දෙ ඉඳන් ව්‍යායාම කරනවා වගේම සතියකට සැරයක් හරි මුහුණට වගේම ශරීරයට ස්වභාවික පැක් එකක් ආලේප කරන්න,සතියකට වතාවක් අනිවාරෙන්ම මුහුණ ස්ක්‍රබ් කරන්න.හොඳ එළවළු පළතුරු කන්න,උදේ අවදිවුණ ගමන් වතුර වීදුරුවක් බොන්න.පැණිරස කෑම,තෙල් සහිත කෑම ගන්න එක අඩු කරලා තමන්ගෙ කෑම වේල සෞඛ්‍යාරක්ෂිත විදියට තමන්ම හදාගන්න පුරුදුවෙන්න.රසකාරක තියෙන පළතුරු බීම බොනවට වඩා හොඳ පළතුරක් අරන් ගිහින් ඔයාම හොඳ පළතුරු යුෂ එකක් හදාගන්න.ඔයා ඉන්නෙ ලිෆ්ට් එකකින් යන්න ඕන ආයතනයක නම් අපාර්ට්මන්ට් එකක නම් දවසට එක පාරක් පඩිපෙළ භාවිතා කරන්න.කැම්පස් එකට එන්න තියෙන්නෙ පොඩි දුරක් නම් දේශන පටන් ගන්න ටික වෙලාවකට කලින් පිටත් වෙලා හෙමින් හෙමින් ඇවිදගෙන එන්න.පුලුවන් හැමවෙලේම වතුර බොන්න.කිසිම හේතුවක් නිසා ඔයාගෙ උදේ ආහාර වේල මගහැර ගන්න නම් එපා.මාසෙකට වතාවක් හෝ මාස තුනකට වතාවක් හරි වෛද්‍යවරයෙක් මුණ ගැහිලා.Check up එකක් කරගන්න.

 

5.විනෝදාංශයක් තියාගන්න.

අපි හැමෝටම එක දිහට වැඩකරගෙන යන්න අමාරුයිනේ.පැය ගාණක් තිස්සෙ පුටුවකට වෙලා ලැප්ටොප් එකක් දිහා බලාගෙන ඉන්න හරි එක දිගට පාඩම් කරන්න හරි ඕනම දෙයක් ඒකාකාරිව කරගෙන යනකොට ඒ කෙරෙහි අවධානය දෙන්න අපිට අමාරුයි.එතකොට අපේ මනස වෙහෙසට පත් වෙලා හරියට අපේ වැඩේ කරන්නත් අපහසු වෙනවා අපිට.මෙන්න මේ මහන්සිය වෙහෙස නැති කරගන්න තමයි අපිට විනෝදාංශයක් තියෙන්නෙ.එක එක්කෙනාට තියෙන විනෝදාංශ විවිධයි.එක්කෙනෙක් පොත් කියවන්න ආස වෙන්න පුලුවන්,තව කෙනෙක් පොත් ලියන්න,සින්දු ලියන්න,කවි ලියන්න,ෆිල්ම් බලන්න,ඇවිදින්න යන්න,කෑම හදන්න මෙන්න මේ වගේ එක එක්කෙනාගෙ විනෝදාංශ සාපේක්ෂයි.ඉතින් ඔයාටත් පුලුවන් එක දිගට වැඩ කරගෙන යනකොට දැනෙන මහන්සිය නැති කරන්න ඔයා ආසම දෙයක් කරන්න පොඩි වෙලාවක් වෙන් කරගන්න.එතනින් පස්සෙ ඔයා ආයෙත් ඔයාගෙ වැඩේට අවධානය දෙන්නෙ නිරවුල් නැවුම් මනසකින්.ඔයාගෙ මනස වෙහෙසට පත් නොකර, ඔයාවත් වෙහෙසට පත් නොවෙන විදියට වැඩ කරගෙන යන්න මේ අවුරුද්දෙ ඉඳන් ඔයත් විනෝදාංශයක් පටන් ගමු.

 

මේ වගේ ලස්සන පුරුදු ගොඩක් තියනවා ඔයාගෙ ජීවිතේ ලස්සන කරගන්න.ඉස්සරහට එක එක මාතෘකා වලින් මන් ඔයාලත් එක්ක ඒ දේවල් බෙදාගන්නම්.අනිත් බ්ලොග් එක අරන් එනකන් සතුටින් පරිස්සමින් ඉන්න........

Stay Tuned…………….🙈💙

 

What is Happiness?

සතුට යනු මිනිසුන් නිතරම සොයා ගැනීමට උත්සාහ කරන,නිතරම තම ජීවිතයට ළඟා කරගැනීමට උත්සාහ කරන සුන්දර හැඟීමකි. නමුත් සතුට මඟින් නිරූපණය වන දේ පුද්ගලයාගෙන් පුද්ගලයාට සාපේක්ෂය.සරලවම කිවහොත් පුද්ගලයා තම ජීවිතය තුළ අපේක්ෂා කරන දේ තමා වෙත ලැබෙන විට පුද්ගලයා සතුටින් සිටී.නිදසුනක් ලෙස එක් අයෙක් විශ්වවිද්‍යලයට තේරී පත්වීම ගැන සතුටට පත් වන අතර තවත් අයෙක් තමාට මල් පොකුරක් ලැබුණ නිසාවෙන් සතුටින් සිටී.මේ අනුව පැහැදිලි වන්නේ එක් එක් පුද්ගලායෙගේ ජීවිතයේ තිබෙන අරමුණු,ඉලක්ක සහ සිහින අනුව එක් එක් පුද්ගලයා සතුට අපේක්ෂා කරන ආකාරය විෂම වන බවයි.එමෙන්ම එය කවර හෝ පුද්ගලයෙක් තුළ දිගුකල් පවතින,ස්ථිර දෙයක් නොවේ.එකම පුද්ගලයා තුළ හෝ තත්පරයක් ඇතුළතදී පවා එය වෙනස් විය හැකිය.සතුට යන්නට බොහෝ නිර්වචන තිබුණද,බොහෝ අය එය ධනාත්මක චින්තනය සහ ජීවිත තෘප්තිය ළඟාකරගැනීම ලෙස වටහා ගනී. එදිනෙදා ජීවිතය තුළ අප කරන රැකියා,අධ්‍යාපන කටයුතු,සබඳතා පවත්වා ගැනීම ආදී ජීවිතය හා සම්බන්ධ විවිධ කරුණු මත පදනම්ව අපගේ සතුට තීරණය වේ.රැකියා ස්ථානයේ හෝ අධ්‍යාපන තත්වය තුළ හෝ යම් කරුණක් හේතු කොටගෙන අප සිත් තුළ යම් නිෂේධාත්මක චිත්ත ස්වභාවයක් හටගන්නා විටදී ධනාත්මක චින්තනය ගිලිහී යයි.නිරන්තරයෙන් එම ප්‍රශ්න ගැටලු පිළිබඳ සිතන විට මානසික පීඩනය,කනස්සල්ල,පාලුව,තනිකම ආදිය හටගනී.ඇතැම් අවස්ථා වලදී විශාදය වැනි රෝග වැළඳීමට පවා අවස්ථාව තිබේ. මනෝවිද්‍යාඥයින් සහ සමාජ විද්‍යාඥයින් සඳහන් කරන අන්දමට සතුටෙහි ප්‍රධාන සං‍රචකයක් වන්නේ හැඟීම් වල සමතුලිත්තාවය පවත්වාගෙන යාමයි.උක්ත සඳහන් කළ පරිදි මානසික පීඩනය,කනස්සල්ල,විශාදය වැනි තත්වයන්ට හේතුව වන්නේ මෙම හැඟීම්වල සමතුලිත බව පවත්වාගෙන යාමට අපොහොසත් වීමයි.එනම් ධනාත්මක හැඟීම් සහ නිෂේධාත්මක හැඟීම් සමසිතින් දරාගැනීමට ඇති නොහැකියාවයි.ලොව ජීවත්වන සෑම පුද්ගලයෙක්ම සියයට සියයක්ම සතුටින් සිටින පුද්ගලයෝ නොවෙති.නමුත් ඉහත කී හැඟීම් වල සමතුලිතතාවය පවත්වා ගැනීම තුළින් අපගේ නිෂේධාත්මක හැඟීම් ඇති වුවද එය සාමාන්‍ය දෙයක් ලෙස සලකා බැහැර කර එදිනෙදා කටයුතු වල නියැලීමට හැකියාව ලැබේ. නිතරම සතුටින් සිටීමට සිතට පීඩාකාරී දේ මඟහරවා ගැනීමට වීවිධ දේ කළ හැකිය.පොත් කියවීම,ගීත ඇසීම,චිත්‍රපටයක් නැරඹීම ආදි විවිධ විනෝදාංශ ගණනාවක් තිබේ.ඉතින් අපි කතා කරමු ඔබේ මානසික පීඩනය මඟහරවා ගැනීමට කළ යුතු දේ පිළිබඳව. Stay Tuned………….

Hey.👀 I'm Warsha Samarasinghe and all of you are welcome to my happy vibes hub. 💗 Let's colour your life, dreams & attitudes with me 😌 Stay tuned for an exciting updates. 😜